#وصفة #السويسرول

#وصفة #السويسرول

[ندعوك للتسجيل في المنتدى أو التعريف بنفسك لمعاينة هذه الصورة]



المقادير:1 كوب دقيق +معلقه كبيره مليانه دقيق
4/3 كوب سكر بودره
6 بيضات
فانيليا
ممكن تضيفي معلقه خل عشان تضيع اي ريحه زفاره التحضير:انا هنا عملته بالشيكولاته شيلت معلقتين الدقيق وحطيت بداله كاكاو خام
بنفصل الصفار عن البياض
البياض بنضربه بمضرب البيض معاه نص معلقه صغيره ملح
وشويه فايليا
واول لما يبدأ يعمل رغاوي نضيف معلقه من السكر البودره
ونفضل نخفقه لحد مل يبقي زي المارنج
لازم الطبق اللي هنضرب فيه البياض والمضرب كمان يكون نضيف ومش فيه اي نقطه ميه عشان المارنج يطلع صح
الصفار نضربه مع الفانيليا وباقي سكر البودره لحد ما يفتح لونه
نبدأ بقي نحط تلت كميه المارنج علي الصفار ونقلب بالراحه من تحت لفوق
بعد كده نضيف تلت كميه الدقيق ونقلب بالراحه
وهكذا شويه مارنج وبعدين شويه دقيق لحد ما تخلص الكميه]
نجيب صينيه مستطيله مقاس 22 في 30
نبطنها بورقه زبده وورقه الزبده ندهنها زيت خفيف ونرش دقيق
ونصب فيه الخليط ونساويه بالراحه الطبخ: ندخله الفرن علي 180 درجه تقريبا بياخد 10 دقايق بس برده لازم تختبريه بخله
نكون مجهزين فوطه نضيفه نبلها ميه ونعصرها كويس جداا
نغردها ونحط عليها ورقه زبده ونرش عليها شويه سكر خفيف
واول ما السويسرول يستوي نقلبه عليهم علي طول ونشيل ورقه الزبده اللي كانت في الصينيه
ونرجع نحط عليه ورقه زبده تانيه
نلفه علي طول وهو سخن
لان لو سيبناه يبرد هيتقطع منك
هنغطيه بالفوطه كويس وندخله التلاجه ساعه
نطلعه من التلاجه ونفكه بالراحه مش لازم نفرده قوي عشان مش يتكسر مننا
ونحشيه كريم شانتيه
ونرجع نلفه تاني
وبعد كده نغطيه حسب الرغبة